२० चैत्र, बाँके । समाजिक सञ्जाल व्हाट्सएप प्रयोग गरेर फिरौती माग गर्ने एक जनालाई इलाका प्रहरी कार्यालयले नियन्त्रणमा लिएको छ ।
सुर्खेतको साविक मैनतडा गाँउ विकास समिति वडा नं ५ हाल भेरी गंगा नगरपालिका वडा नं ७ काठेघारी घर भएका ४१ वर्षीय राम बहादुर बुढा क्षेत्रीले विभिन्न विदेशी नं.को व्हाट्सएप मार्फत फिरौती माग गरेको प्रहरीले जनाएको छ । उनी हाल कोहलपुर नगरपालिका वडा नं ५ स्थित कोठा भाडामा लिएर बस्दै आएका थिए ।
Advertisement
आफु ‘लोरेन्स बिस्नोई र अनमोल बिस्नोई हो’ भनि म्यासेज गरेर ५ करोड भारतीय रुपैँया माग गरेको र उक्त रकम नदिईएमा जे पनि हुन सक्ने भनि धम्काउने गरेको प्रहरीको अनुसन्धान क्रममा खुल्न आएको प्रहरीले जनाएको छ ।
साथै प्रारम्भिक अनुसन्धानको क्रममा उनले प्रयोग गर्ने मोवाईलमा बिदेशी नं. को व्हाट्सएप खोलेको र म्यासेज गरेको समेत देखिएको हुनले प्रहरीले अनसन्धान गरीरहेको जनाएको छ ।
Advertisement
लोरेन्स बिस्नोई एक भारतीय ग्याङस्टार हुन उनि फिरौती माग्ने तथा हत्या आरोपमा सन २०१४ देखि भारतीय कारगारमा कारागार जिबन विताईरहेका छन् । जसमा उनलाई २९ मे २०२२ को पंजाबी सिंगर सिद्दु मुसेवालाको हत्या, भारतीय नायक सलमान खानलाई ज्यान मार्ने उद्योग गरेको र बाबा सिद्दीकीको हत्या जस्ता आरोप रहेका छन् ।
यस्तै, अनमोल बिस्नोई लोरेस्न बिस्नोईको भाई रहेको र उनले लोरेन्स बिस्नोई कारागार जिबन बिताएको समयमा बिभिन्न व्यापारी तथा उद्योगी संग फिरौती माग्ने थ्रेट (धम्की) दिने कार्य गर्ने गरेका नेपाल प्रहरीले जनाएको हो ।
Advertisement
इलाका प्रहरी कार्यालय काँकरभिट्टा झापाबाट साल २०६१ साउन २७ गते ललाई फकाई बिबाह गर्छु भनि नेपाली युवतीलाई काँकरभिट्टा हुँदै भारत तर्फ लगि गएकोमा राम बहादुर जिउ मास्ने बेच्ने उद्योग मुद्धा लागेको प्रहरीले बताउँछन् ।
यस्तै, जिल्ला प्रहरी कार्यालय झापाबाट साल २०६२ चैत्र ८ गते धाक धम्की दिदैँ सर्वसाधारणबाट चन्दा अशुली गर्ने गरेकोले मुद्धा समेत लागेको नेपाल प्रहरीमा उनको रिर्पोट छ ।
Advertisement
महानगरिय परिसर काठमाडौँबाट साल २०६४ भदौ ९ गते धाक धम्की दिई मानिसलाई नियन्त्रणमा लिई ट्याक्सीमा राखेर फिरौती रकम असुल गरेकोले मुद्धा समेत चलेको छ ।
सुर्खेत स्थित इलाका प्रहरी कार्यालय छिन्चुबाट साल २०६४ चैत्र २७ गते संविधान सभा निर्वाचन २०६४ का उम्मेदवार ऋषि शर्मा प्रचार प्रसार सकेर आउदै गर्दा सुर्खेत मेहलकुना जहरेबजार नजिक लोधे भन्ने स्थानमा उनले समेतले गोली हानी मारेको कर्तव्य ज्यान मुद्धा लागेको छ ।
२०६५ साल चैत्रमा द्वन्द पिडित सेना प्रहरीको आन्दोलनमा हतियार खोसेको विषयमा काठमाडौँ मुद्दा चलेको थियो ।
कोटेश्वरको निखिलेश्वर मन्दिरमा शक्ती बहादुर बस्नेतलाई गोली हानेको केशमा ५ वर्ष कैद र रु.६० हजार जरीवाना फैसला भएकोमा उक्त कैद भुक्तान गरी साल २०७० फाल्गुन २८ गते कारागारबाट राम बहादुर छुटेका थिए ।
२०५९ सालमा नेपाल आर्मीमा भर्ना भई छोटो समय मात्र सेवा गरी त्यहाबाट भागेपछि खाशै कुनै पेशा तथा व्यवसाय नगरेका राम बहादुर बुढा क्षेत्रीले कहिले कुन समुह त कहिले कुन समुहसँग मिलेर देशको विभिन्न स्थानमा अपराधिक क्रियाकलाप गर्ने गरेको नेपाल प्रहरीको अनुसन्धानबाट खुल्न आएको प्रहरी निरीक्षक एवं सूचना अधिकारी एवं प्रवक्ता हरि भट्टराईले जानकारी गराए ।
राम बहादुरले अपराधिक क्रियाकलाप गर्नको लागि भारतिय आधारकार्ड, विभिन्न बिदेशका व्हाट्सएप नम्बरहरू समेत प्रयोग गर्ने गरेका थिए ।
टिप्पणीहरू